twins 丢架 广播
twins-丢架 广播LRC歌词
- 更新时间：2013-06-19 03:11:48
- 刷新时间：2018-07-10 17:46
- [ti:丢架 广播]
[ar:twins]
[al:]
[by:twins]
阿Sa:我系阿Sa.
阿娇:我系阿娇.
Twins:我哋系竞争对手.
Twins短篇连组剧丢架第一集
阿……:喂.
阿娇:喂,喺边呀?
阿……:喺公司吖.
阿娇:重向公司吖,但系头先我打office就话我走咗嘅?
阿……:噢,啲同事以为我走咗之嘛,可能我去咗厕所喇,系咩事呢?
阿娇:咩事?我哋约咗去睇戏?嘛,我好想睇吓你可唔可以早啲陪我行吓街.
阿……:我谂我未必得喇,因为重有好多嘢做吖.
阿娇:咁嘛,做嘢紧要嘅,咁我哋九点半向戏院门口等吖.
阿……:好吖,好吖,一於噉话.
阿娇:Byebye.
阿……:Byebye.
阿Sa:哗,你女朋友都几黐身喎.
阿……:咁又点啫,我钟意黐你多啲吖嘛.
阿Sa:系咩?
(音乐)
阿Sa:我系阿Sa.
阿娇:我系阿娇.
Twins:我哋系竞争对手.
Twins短篇连组剧丢架听日继续.
阿Sa:我系阿Sa.
阿娇:我系阿娇.
Twins:我哋系有嘢两份分.
Twins短篇连组剧丢架第二集
阿Sa(独白):阿……追我嗰阵啊,我都知佢有女朋友?.喂,但唔关我事?喎,又唔系我做主动,我有叫佢多啲陪佢女朋友?.不过,佢……系唔舍得走之嘛.
阿娇(独白):啊,呢排阿……好似成日好多嘢做噉嘅?成日都话唔得闲唔得闲噉,希望佢唔好因为噉而……喇,我谂我都要学吓炖啲煲咁俾佢食至得.
阿Sa(独白):大家都系女人,有阵时我都好戥佢可怜嘅.有男朋友就等於冇男朋友,……喺度等,个男人变咗心都唔知,谂谂吓其实俾佢知可能重帮咗佢.俾人蒙在鼓裏有咩意思啫,好,就当帮吓个姊妹.打畀佢,话畀佢听,我系佢男朋友个女朋友.
(音乐)
阿娇:喂.
阿Sa:喂.请问你系唔系阿娇呀?
(音乐)
阿Sa:我系阿Sa.
阿娇:我系阿娇.
Twins:我哋系有嘢两份分.
Twins短篇连组剧丢架听日继续.
阿Sa:我系阿Sa.
阿娇:我系阿娇.
Twins:我哋系两个只能活一个.
Twins短篇连组剧丢架第三集
阿Sa(喊):阿…….
阿……:做咩事呀,阿Sa?你做咩喊得咁凄凉嘅,边个虾你呀?你知我最紧张就系你?,你快啲话畀我听,你唔开心我都会唔开心?嘛,系唔系?你讲,你讲畀我听做咩事?吓?
阿Sa:我头先打咗个电话畀你女朋友吖.
阿……:咩话?
阿Sa:嗯.
阿……:你头先同我讲咩呀?
阿Sa:我话畀佢听,我系你哋嘅第三者罗.
阿……:黐线?你,你重讲啲咩呀?喂,你讲啲乜嘢?喂,讲得啲乜嘢呀?死喇,死喇,呢次真系死喇.点算呀而家?喂……
阿Sa:喂,嗌你吖,你行嚟行去想点啫?你头先唔系话最紧张嗰个系我嘅嘛?
阿……:乜嘢呀你讲?
阿Sa:我呃你嘅啫.我根本冇打到个电话.
(音乐)
阿Sa(独白):见到阿……咁神不守舍,我终於知道我同佢女朋友边个重要啲.
Twins短篇连组剧丢架听日继续.
Twins:我哋系两个只能活一个.
阿Sa:我系阿Sa.我系失败者.
Twins短篇连组剧丢架第四集
阿Sa(独白):阿……已经两个礼拜冇搵我喇,话唔搵就唔搵.佢之前啊,要讲几多大话都要瞒住个女朋友陪我食宵夜,我谂返真系觉得好好笑,不过笑笑吓,我竟然喊咗出嚟.我真系好挂住佢,好想听到佢把声吖.
Kiki:喂,阿Sa你做咩呀?返返吓工喺度喊嘅?
阿Sa:Kiki吖,我失恋吖,我俾人飞吖.
Kiki:你失恋?都冇听过话你拍拖嘅?
(音乐)
阿Sa(独白):拍紧拖都唔可以话畀人哋听,自己个男朋友系边个.你话我噉算唔算拍拖?Kiki讲得啱,我都冇同人哋讲过拍拖,又点样要俾人知道自己失恋呀?第三者,根本就系冇身份嘅,唔见咗都唔会俾列失踪人口,我系阿Sa.我系失败者.
Twins短篇连组剧丢架听日继续.
阿娇:我系阿娇.我系最后胜利.
Twins短篇连组剧丢架最终回
阿娇(独白):啊,呢排真系好怪.阿……呢,突然间多咗好多时间畀我,又随传随到喎.前晚啫嘛,佢重同我求婚添嘛.谂谂吓,啲怪事都好似向我收到一个奇怪电话开始.
阿娇:喂.搵边位呀?
阿Sa:喂.请问你系唔系阿娇呀?
阿娇:系吖.你系?
阿Sa:嗯,死喇.点讲好呀?
阿娇:喂.
阿Sa:啊,系吖.呢度系流动电信打电话嚟畀你?,我哋而家喺度做紧呢个市场调查.请问你满唔满意我哋嘅……音服务呢?
阿娇:满意吖.
阿Sa:好吖,好吖.多谢晒你.Byebye.
阿娇:喂…….
(音乐)
阿娇(独白):收咗线之后,我直觉觉得好奇怪,点解电信公司会知道我个名叫阿娇?喇?我个电话明明系用阿……个名开?嘛.哎吔,阿……又打畀我喇,催我睇婚纱喎.系罗,我做咩用晒啲时间去谂啲咁奇怪嘅嘢啫?何况,呢啲嘢,有时唔知都唔紧要吖.知嚟做咩啫,去拣婚纱喇.
Twins短篇连组剧丢架完
阿娇:我系阿娇.我系最后胜利.